یکم فروری سےپیٹرول کی قیمت میں کتنااضافہ؟

ہاٹ لائن نیوز : یکم فروری سے پیٹرولیم مصنوعات کی قیمتوں میں بڑے اضافے کا امکان ہے۔اس تبدیلی کی وجہ عالمی منڈی میں خام تیل کی بڑھتی قیمت بتائی جا سکتی ہے۔

پیٹرولیم امور پر نظر رکھنے والے ماہرین کا کہنا ہے کہ 31 جنوری کو پیٹرولیم مصنوعات کی قیمتوں کے پندرہ روزہ جائزے کے تحت پیٹرول کی قیمت میں 9 روپے فی لیٹر اضافہ کیا جانا چاہیے۔ یہی اضافہ ڈیزل کی قیمت میں بھی ہو سکتا ہے۔

پیٹرولیم مصنوعات کی قیمتوں میں ممکنہ تبدیلی بہت اہم ہے کیونکہ یہ 8 تاریخ کو عام انتخابات سے قبل آخری تبدیلی ہوگی۔

آئل اینڈ گیس ریگولیٹری اتھارٹی نے 15 جنوری کو پیٹرول کی قیمت میں 8 روپے فی لیٹر کمی کی تھی۔ اس کے بعد ملک بھر میں ہائی اسپیڈ ڈیزل کی قیمت 276.21 روپے فی لیٹر رہنے کی اجازت دی گئی۔