ہاٹ لائن نیوز : چیف الیکشن کمشنر کی تقرری لاہور ہائیکورٹ میں چیلینج کر دی گئی۔
عدالت نے آئندہ سماعت پر وکیل سے درخواست کے قابل سماعت ہونے سے متعلق جواب طلب کر لیا۔
عدالت نے کیس کی سماعت 6 اپریل تک ملتوی کردی ۔
چیف جسٹس لاہور ہائیکورٹ ملک شہزاداحمدخان نے ایڈووکیٹ طالب حسین کی درخواست پرسماعت کی ۔
سرکاری وکیل کا کہنا ہے کہ درخواست قابل سماعت نہیں ہے، ایسی درخواست اسلام آباد ہائیکورٹ میں دائر ہونی چاہیے۔
درخواست میں موقف اختیار کیا گیا ہے کہ چیف الیکشن کمشنر کی تقرری بغیرکسی اشتہار کے ہوئی تھی،چیف الیکشن کمشنر کی تقرری سیاسی بنیادوں پر ون مین ایجنڈا کے تحت ہوئی،ایک آئینی ادارے میں ایک ریٹائرڈ افسر کو تعینات کرنا ملک و قوم کے ساتھ زیادتی ہے۔
عدالت سے استدعا کی گئی ہے کہ عدالت چیف الیکشن کمشنر سکندر سلطان راجہ کی تقرری کو غیر قانونی قرار دے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
