بے خوابی سے بچنے کے لیے یہ بیج استعمال کریں

ہاٹ لائن نیوز : صحت مند زندگی کے لیے مناسب نیند بہت ضروری ہے۔ برطانیہ کی نیشنل ہیلتھ سروس کے مطابق ہر ایک کو دن میں سات سے 9گھنٹے کی نیند لینا چاہیے۔

ماضی میں کئی مطالعات سے یہ بات سامنے آئی ہے کہ نیند کی کمی سنگین صحت کے مسائل جیسے بے چینی، ڈپریشن یا بے خوابی کا باعث بن سکتی ہے۔ اس مسئلے کے حل کے طور پر ماہرین نے کچھ ایسی غذاؤں کی نشاندہی کی ہے جو اچھی نیند میں مددگار ثابت ہوسکتی ہیں۔

ماہرین کے مطابق میگنیشیم سے بھرپور کدو کے بیجوں میں بے خوابی کا حل موجود ہے۔ میگنیشیم ایک اہم عنصر ہے جو پٹھوں کو آرام دیتا ہے اور میلاٹونن ہارمونز کے اخراج کو بڑھاتا ہے جو نیند میں مدد دیتے ہیں۔

انہوں نے کہا کہ میگنیشیم کے دیگر ذرائع میں تل کے بیج، سورج مکھی کے بیج، بادام اور خشک تھائم شامل ہیں۔

نیند اور میگنیشیم کے درمیان تعلق کے بارے میں، سلیپ فاؤنڈیشن کی رپورٹ ہے کہ میگنیشیم بہت سے سپلیمنٹس اور قدرتی مصنوعات میں پایا جاتا ہے جو نیند میں مدد دیتے ہیں۔