آئل کمپنیوں نے ملک میں پیٹرول کی دستیابی سے متعلق خدشات کا اظہار کرتے ہوئے حکومت سے فوری اقدامات کرنے کی درخواست کی ہے۔
تیل کمپنیوں کے مطابق اس وقت ملک میں تقریباً 3 لاکھ 70 ہزار میٹرک ٹن موٹر اسپرٹ (پیٹرول) کا ذخیرہ موجود ہے، جو موجودہ کھپت کے حساب سے تقریباً 15 دن کی ضرورت پوری کر سکتا ہے۔
آئل کمپنیز ایڈوائزری کونسل نے حکومت کو آگاہ کیا ہے کہ اگر درآمدی پیٹرول کی کلیئرنس اور سپلائی کے معاملات فوری طور پر حل نہ کیے گئے تو ملک کے مختلف علاقوں میں پیٹرول کی فراہمی متاثر ہونے کا خدشہ ہے۔
کونسل کے مطابق درآمدی کارگو کی بروقت کلیئرنس میں تاخیر، طلب میں اضافہ اور مالی مشکلات تیل کی سپلائی کے نظام پر دباؤ بڑھا رہی ہیں۔
تیل کمپنیوں نے حکومت سے مطالبہ کیا ہے کہ درآمدی ایندھن کی کلیئرنس کے عمل کو تیز کیا جائے اور صنعت کو درپیش مالی مسائل کے حل کے لیے فوری اقدامات کیے جائیں تاکہ ملک میں پیٹرول کی مسلسل فراہمی یقینی بنائی جا سکے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔