آبنائے ہرمز کی صورتحال اور ایران ڈیل پر پیش رفت سے منڈی متاثر

عالمی منڈی میں خام تیل کی قیمتوں میں معمولی کمی ریکارڈ کی گئی ہے، جس کی وجہ آبنائے ہرمز سے متعلق صورتحال اور ایران سے ممکنہ ڈیل پر پیش رفت کے حوالے سے سامنے آنے والے بیانات کو قرار دیا جا رہا ہے۔

بین الاقوامی ذرائع کے مطابق برینٹ کروڈ آئل کی قیمت تقریباً 108 ڈالر فی بیرل کے آس پاس برقرار رہی، جبکہ متحدہ عرب امارات کے مربان خام تیل کی قیمت 106 ڈالر فی بیرل کے قریب ٹریڈ ہوتی دیکھی گئی۔ اسی طرح امریکی ویسٹ ٹیکساس انٹرمیڈیٹ (WTI) خام تیل بھی 100 ڈالر فی بیرل سے کچھ اوپر سطح پر موجود رہا۔

سنگاپور سے موصول ہونے والے تازہ اعداد و شمار کے مطابق عالمی منڈی میں کمی کا رجحان دیکھا گیا۔ برینٹ کروڈ آئل میں تقریباً 2 ڈالر فی بیرل کی کمی کے بعد قیمت 108 ڈالر سے کم ہو کر قریب 108 ڈالر کے آس پاس آگئی۔ امریکی خام تیل میں بھی تقریباً 1.9 ڈالر فی بیرل کی کمی دیکھی گئی، جس کے بعد قیمت 100 ڈالر کے قریب آ گئی۔

مربان خام تیل کی قیمت میں بھی کمی ریکارڈ کی گئی اور یہ تقریباً 106 ڈالر فی بیرل پر مستحکم ہو گیا۔

ماہرین کا کہنا ہے کہ اگرچہ قیمتوں میں محدود کمی دیکھنے میں آئی ہے، لیکن عالمی طلب و رسد کے دباؤ اور آبنائے ہرمز کے اطراف کشیدگی کے باعث توانائی کی مارکیٹ میں غیر یقینی صورتحال برقرار ہے۔ ان کے مطابق آنے والے دنوں میں خام تیل کی قیمتوں میں اتار چڑھاؤ جاری رہ سکتا ہے۔