کیا وزیراعظم اوروزیراعلی عدالت پیش ہونگے؟عدالت سےبڑی خبرسامنے آگئی
ہاٹ لائن نیوز : قرآن پاک کے ترجمے میں تحریف اور قرآن بورڈ کی اجازت کے بغیر چھاپنے کے خلاف درخواستوں پر سماعت ہوئی ۔
عدالت نے درخواستوں پر سماعت 18دسمبر تک ملتوی کردی۔
عدالت نے اگلی سماعت پر نگران وزیراعظم اور نگران وزیر اعلی کو ذاتی حیثیت میں طلب کر لیا ۔
عدالت نے پرنسپل سیکرٹری ٹو وزیر اعظم ، اٹارنی جنرل اف پاکستان اور ایڈووکیٹ جنرل پنجاب کو عدالتی حکم پر عمل درآمد کی ہدایت کر دی ۔
جسٹس شجاعت علی خان نے مختلف درخواستوں پر سماعت کا تحریری فیصلہ جاری کر دیا ۔
گزشتہ روز وفاقی حکومت کی جانب سے اٹارنی آفس نے رپورٹ عدالت میں جمع کروا دی تھی ۔
رپورٹ میں کہا گیا کہ وزیراعظم سرکاری دورے پر ہیں ، عدالتی حکم پر من و عن عملدرآمد ہوگا،وزیراعظم اور وزیراعلی پنجاب نے ملکر کمیٹی بنائی ہے ، کمیٹی ہر پندرہ دن بعد اٹارنی جنرل آفس اور ایڈووکیٹ آفس میں رپورٹ جمع کروائے گی ، عدالتی احکامات پر عملدرآمد ہوگا ۔
خیال رہے کہ عدالت نے وزیراعظم اور وزیراعلی پنجاب کو قرآن مجید سے متعلق عدالت پیش ہوکر پالیسی بیان دینے کی ہدایت کررکھی ہے ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
