چین کی ہمت نے جواب دے دیا ؟

ہاٹ لائن نیوز : غزہ پر اسرائیلی حملوں کے جواب میں یمن کی ایرانی حمایت یافتہ حوثی ملیشیا نے بحیرہ احمر میں اسرائیل اور اس کے مال بردار جہازوں پر حملے تیز کر دیے ہیں۔ اس کے نتیجے میں بین الاقوامی تجارتی جہاز رانی شدید متاثر ہوئی ہے۔

حوثی ملیشیا نے امریکی اور برطانوی جہازوں کو بھی نشانہ بنایا ہے۔ اس حوالے سے بحیرہ احمر میں شدید کشیدگی پائی جاتی ہے۔ غیر محفوظ شپنگ کے باعث کئی ممالک اور کمپنیوں نے اپنے جہازوں کو متبادل راستوں سے موڑنا شروع کر دیا ہے۔

حوثی باغیوں کا کہنا ہے کہ وہ اسرائیل کے ساتھ کسی بھی قسم کے تعلقات رکھنے والے جہازوں کو نہیں چھوڑیں گے۔ ساتھ ہی انہوں نے واضح طور پر کہا ہے کہ کسی دوسرے ملک کو ڈرنے کی ضرورت نہیں ہے۔ اس کے باوجود چین نے مسائل کی سنگینی کے پیش نظر ایران سے رابطہ کیا ہے۔

جرمن نشریاتی ادارے ڈوئچے ویلے کا کہنا ہے کہ چین نے ایران سے رابطہ کیا ہے اور اسے حوثیوں سے تجارتی جہازوں پر حملے بند کرنے کو کہا ہے کیونکہ اس سے عالمی تجارت شدید متاثر ہو رہی ہے۔

چینی حکام نے ایرانی قیادت کو بتایا ہے کہ حوثیوں کے حملے سے عالمی تجارت کو پہنچنے والے نقصان سے چین بھی بڑے پیمانے پر متاثر ہو رہا ہے۔ اگر یہ سلسلہ جاری رہا تو کئی دیگر ممالک کے ساتھ ایران کے مفادات بھی متاثر ہوں گے۔