ہاٹ لائن نیوز : پرویز الہی اور دیگر کیخلاف پنجاب اسمبلی میں جعلی بھرتیوں کےمقدمہ میں سابق وزیر اعلی چوہدری پرویز الہی اور محمد خان بھٹی سمیت دیگر کیخلاف کیس پر سماعت ہوئی ۔
سابق وزیر اعلی چوہدری پرویز الٰہی کو جیل سے عدالت میں پیش نہیں کیا گیا ،پرویز الٰہی اور دیگر ملزمان پر آج بھی فردجرم عائدنہیں ہو سکی ۔
اینٹی کرپشن کورٹ نے پرویز الٰہی سمیت دیگر کیخلاف کیس کی سماعت 13مئی تک ملتوی کردی۔
اینٹی کرپشن کورٹ کے جج ارشد حسین بھٹہ نےکیس پرسماعت کی۔ چوہدری پرویز الٰہی کامیڈیکل سرٹیفکیٹ پیش کیا گیا۔
رپورٹ کے مطابق چوہدری پرویز الہی تین ہفتے تک سفر نہیں کر سکتے ، پرویز الٰہی اڈیالہ جیل کے واش روم میں گر گئے تھے جس سے ان کی ہڈی فریکچر ہوئی تھی وہ ابھی ٹھیک نہیں ہوئے ڈاکٹر نے ان کو آرام کا مشورہ دے رکھا ہے۔
عدالت نے آئندہ سماعت پر پرویز الٰہی اور دیگر ملزمان کو فرد جرم عائد کرنےکیلئے طلب کرلیا۔
پرویز الہی کے 10 شریک ملزمان عدالت میں حاضری کیلئےپیش ہوئے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
