لاش کوٹھکانےلگانے کی کوشش نے 76 افراد کی جان لےلی

ہاٹ لائن نیوز : جنوبی افریقہ میں پولیس نے ایک ایسے شخص کو گرفتار کیا ہے جس نے گزشتہ سال ایک قتل کو چھپانے کے لیے ایک عمارت کو آگ لگا دی تھی ، جس میں 76 افراد ہلاک ہوئے تھے۔ ان میں 12 بچے بھی شامل ہیں جب کہ 100 سے زائد افراد شدید طور پر جھلس گئے۔

ملزم نے جرم کا اعتراف کرتے ہوئے کہا کہ اس نے ایک بڑے منشیات فروش کے کہنے پر عمارت کے تہہ خانے میں ایک شخص کو گلا دبا کر قتل کیا۔

لاش کو ٹھکانے لگانے کے لیے اس نے آگ لگائی جس نے پھیل کر پانچ منزلہ عمارت کو اپنی لپیٹ میں لے لیا۔ قتل کا حکم دینے والا منشیات فروش بھی اسی عمارت میں رہتا تھا۔

29 سالہ ملزم کے خلاف قتل کے 76 اور اقدام قتل کے 120 مقدمات درج ہیں۔ پولیس نے یہ نہیں بتایا کہ اسے کب عدالت میں پیش کیا جائے گا۔

مدعا علیہ کا اعتراف جرم حیران کن ہے کیونکہ عمارت کو اس مفروضے پر آگ لگائی گئی تھی کہ حفاظت کو یقینی بنانے کے لیے قواعد و ضوابط کی خلاف ورزی نہیں کی گئی تھی۔