ہاٹ لائن نیوز : لاہور ہائیکورٹ میں صحافی عمران ریاض خان کےجسمانی ریمانڈکیخلاف دائردرخواست پرسماعت ہوئی ۔
عدالت نےفریقین کونوٹس جاری کرتےہوئےجواب طلب کرلیاہے ۔
ایڈوکیٹ اظہر صدیق کا کہنا ہے کہ 6 دن مکمل ہو چکے ہیں، آج عمران ریاض کو انسداددہشتگری عدالت میں پیش کرنا ہے، صرف گرفتار کر کے ریمانڈ کی قانون اجازت نہیں دیتا۔
عدالت نے حکم دیا ہےکہ آج درخواستگزار کی پیشی ہے، اگر عدالت پھر سے ریمانڈ دیتی ہے تو ہائیکورٹ آسکتے ہیں۔
جسٹس شہرام سرورچودھری نے عمران ریاض خان کی درخواست پرسماعت کی ۔
درخواست میں موقف اختیار کیا گیا ہے کہ انسداددہشت گردی عدالت نے جسمانی ریمانڈ قانون کے برعکس دیا، پولیس سے سیاسی بنیادوں پر تمیمہ میں عمران ریاض کا نام درج کیا، عمران ریاض کسی سیاسی جماعت کے رکن نہیں صحافی ہیں، 14 مارچ 2023 کو عمران ریاض نجی چینل کی کوریج کے طور پر زمان پارک گئے،عمران ریاض خان کا اس دن کا پروگرام اور مختلف ویڈیوز ریکارڈ پر موجود ہیں، انسداد دہشت عدالت کے جج نے شواہد کا جائزہ لیے بغیر جسمانی ریمانڈ دے دیا۔
درخواست میں استدعا کی گئی ہے کہ عدالت انسداد دہشت گردی عدالت کیجانب سے جسمانی ریمانڈ کا اقدام کلعدم قرارد دے ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
