سکیورٹی فورسز کوہائی الرٹ کرنےکی اہم وجہ سامنے آگئی
راولپنڈی:(ہاٹ لائن نیوز) پاکستان تحریک انصاف کے چیئرمین کی سینڑل جیل اڈیالہ میں اسیری کے دوران جیل کے اندر اور باہر سیکیورٹی فورسز کو ہائی الرٹ رکھنے کا فیصلہ کیا گیا ہے۔
راولپنڈی پولیس کی سیکیورٹی برانچ اور اس سے متعلقہ اداروں نے سابق وزیراعظم عمران خان کی جیل میں اسیری کی وجہ سے سیکیورٹی اقدامات کو بڑھانے کا فیصلہ کیا ہے۔ سیکیورٹی سروے کے بعد سیکیورٹی اقدامات بڑھانے کا فیصلہ کیا گیا ہے۔
اطلاعات کے مطابق سروے کے بعد جیل کے سامنے اور اطراف میں موجود دکانوں اور رہائشی علاقوں میں وقتاً فوقتاً سرچ آپریشن کروائے جائیں گے، اس کے علاؤہ اڈیالہ روڈ پر سینڑل جیل اڈیالہ بلڈنگ کی اطراف میں باقاعدہ پولیس پکٹیں قائم کرنے، جیل کے سامنے اور اطراف میں بھی سیکیورٹی انتظامات یقینی بنانے، جیل میں ملاقات کیلئے آنیوالے تمام افراد کے کوائف ان کے شناختی کارڈ نمبر کے ساتھ رجسڑڈ میں درج کیے جانے اور اڈیالہ روڈ اور اس کی اطراف میں 24 گھنٹے گشت کے نظام کو مؤثر رکھے جانے کی تجاویز بھی دی گئی ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
