لاہور: پنجاب میں بلدیاتی انتخابات کے انعقاد کے لیے الیکشن کمیشن نے مجوزہ شیڈول پنجاب حکومت کو ارسال کر دیا ہے، جس کے مطابق پولنگ 14 دسمبر کو کرانے کی تجویز دی گئی ہے۔
مجوزہ شیڈول کے تحت امیدوار 27 سے 30 اکتوبر تک کاغذاتِ نامزدگی جمع کرا سکیں گے، جبکہ نامزدگیوں کی جانچ پڑتال کا مرحلہ 2 سے 5 نومبر تک جاری رہے گا۔
الیکشن کمیشن کے مطابق کاغذاتِ نامزدگی سے متعلق اپیلیں 7 سے 11 نومبر تک دائر کی جا سکیں گی۔ اپیلٹ ٹربیونلز 12 سے 16 نومبر کے دوران اپیلوں پر فیصلے کریں گے، جبکہ امیدوار 18 نومبر تک اپنے کاغذاتِ نامزدگی واپس لے سکیں گے۔
شیڈول کے مطابق امیدواروں کی حتمی فہرست 19 نومبر کو جاری کی جائے گی اور اگلے روز، 20 نومبر کو انتخابی نشانات الاٹ کیے جائیں گے۔
مجوزہ پروگرام کے تحت پنجاب میں بلدیاتی انتخابات کے لیے پولنگ 14 دسمبر کو ہوگی، جبکہ ریٹرننگ افسران کی جانب سے انتخابی نتائج کا اعلان 17 دسمبر تک متوقع ہے۔
الیکشن کمیشن کی جانب سے جاری کردہ یہ شیڈول فی الحال مجوزہ ہے اور پنجاب حکومت کے ساتھ مشاورت کے بعد حتمی شکل دی جائے گی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔