سعودی عرب کا پمز اسپتال سانحے پر اظہارِ افسوس
اسلام آباد: سعودی عرب نے اسلام آباد کے پاکستان انسٹیٹیوٹ آف میڈیکل سائنسز (پمز) اسپتال میں نرسری میں آتشزدگی کے نتیجے میں نومولود بچوں کی ہلاکت پر گہرے دکھ اور افسوس کا اظہار کیا ہے۔
سعودی وزارت خارجہ کی جانب سے جاری بیان میں کہا گیا ہے کہ پمز اسپتال میں پیش آنے والے افسوسناک واقعے میں نومولود بچوں کی جانوں کے ضیاع پر سعودی حکومت اور عوام کو شدید صدمہ پہنچا۔
بیان کے مطابق سعودی عرب نے اس مشکل گھڑی میں حکومت پاکستان اور پاکستانی عوام کے ساتھ یکجہتی کا اظہار کیا اور پاکستان و اس کے عوام کے لیے امن، سلامتی اور استحکام کی دعا کی۔
واضح رہے کہ بدھ کی صبح پمز اسپتال کے گائنی وارڈ کی نرسری میں اچانک آگ بھڑک اٹھی، جس کے نتیجے میں 14 نومولود بچے جاں بحق ہوئے۔ اسپتال حکام کے مطابق واقعے کے وقت نرسری میں 15 بچے موجود تھے، جن میں سے ایک بچے کو بچا لیا گیا۔
ریسکیو ذرائع کے مطابق ابتدائی طور پر آگ لگنے کی وجہ ایئر کنڈیشنر کے کمپریسر میں دھماکا بتائی گئی ہے، تاہم واقعے کی مکمل وجوہات جاننے کے لیے تحقیقات جاری ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔