ہاٹ لائن نیوز : سابق خاتون اول بشری بی بی اور خاور مانیکا کی طلاق کا معاملہ ؛ بشری بی بی اور خاور مانیکا کی طلاق کا ریکارڈ طلب کرنے کیلئے ہائیکورٹ میں درخواست دائر کر دی گئی ، محمد آفاق ایڈووکیٹ نے درخواست دائر کی ۔
درخواست میں چیئرمین پی ٹی آئی، بشری بی بی، خاور مانیکا ، حکومت پنجاب، الیکشن کمیشن سمیت دیگر کو فریق بنایا گیا ہے ۔
درخواست میں موقف اختیار کیا گیا ہے کہ قانون کے مطابق طلاق یونین کونسل میں رجسٹرڈ ہونے کے بعد موثر ہوتی ہے ، طلاق کی دستاویزات
متعلقہ یو سی جمع ہونے کے بعد عدت کا دورانیہ شروع ہوتا ہے ، خاور مانیکا اور بشری بی بی کی طلاق میں قانونی تقاضے پورے نہیں کیے گئے ، خاور مانیکا نے ٹی وی پروگرام میں عدت پوری نہ ہونے کا انکشاف کیا ہے ۔
درخواست میں استدعا کی گئی ہے کہ عدالت خاور مانیکا کو وضاحت کیلئے طلب کرے اور حکومت پنجاب سے یونین کونسل کا ریکارڈ طلب کرے ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
