ہاٹ لائن نیوز : شمالی وزیرستان میں سیکیورٹی فورسز کی دہشت گردوں کے خلاف کارروائی کے دوران ایک دہشت گرد ہلاک جب کہ دو جوان شہید ہوگئے۔
پاک فوج کے شعبہ تعلقات عامہ (آئی ایس پی آر) کے مطابق 12 اور 13 نومبر کی درمیانی شب سیکیورٹی فورسز نے شمالی وزیرستان کے ضلع میر علی میں دہشت گردوں کے ٹھکانے کی اطلاع پر کارروائی کی۔
اس دوران سیکیورٹی فورسز اور دہشت گردوں کے درمیان شدید فائرنگ کا تبادلہ ہوا جس میں ایک دہشت گرد مارا گیا جب کہ شدید فائرنگ کے تبادلے میں دو جوان شہید ہوگئے۔
آئی ایس پی آر کے مطابق 25 سالہ عبداللہ مردان اور 19 سالہ سپاہی محمد سہیل تھرپارکر کے رہائشی تھے جنہوں نے جام شہادت نوش کیا۔
ترجمان پاک فوج کا کہنا ہے کہ علاقے میں پائے جانے والے دہشت گردوں کے خاتمے کے لیے آپریشن کا دائرہ گرد و نواح میں بڑھا دیا گیا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
