ترجمان کا اچانک استعفا، پسِ پردہ کیا کہانی ہے؟

وائٹ ہاؤس کی ترجمان کیرولائن لیوٹ کے استعفے کے معاملے پر ایران اور امریکی حکام کے درمیان سخت بیان بازی سامنے آئی ہے۔
ایرانی سفارتخانے نے دعویٰ کیا ہے کہ لیوٹ نے صدر ڈونلڈ ٹرمپ سے اختلافات کے باعث عہدہ چھوڑا۔ ایرانی سفارتخانے نے سوشل میڈیا پر ایک بیان میں طنزیہ انداز اختیار کرتے ہوئے کہا کہ جب کوئی سربراہ اپنے ملازم کو مشکل صورتِ حال میں چھوڑ کر خود محفوظ راستہ اختیار کرے تو ایسے تعلق میں اعتماد باقی نہیں رہتا۔
ایرانی حکام نے لیوٹ کے استعفے کو ان کے لیے بہتر فیصلہ قرار دیتے ہوئے امریکی صدر پر بھی تنقید کی۔
دوسری جانب وائٹ ہاؤس نے ایرانی دعوے کو مسترد کردیا۔ امریکی مؤقف کے مطابق کیرولائن لیوٹ صدر ٹرمپ کے دورۂ ترکیہ کے دوران ان کے ہمراہ موجود نہیں تھیں، جبکہ صدر کی سکیورٹی سے متعلق واقعہ بھی ایرانی دعوے سے مختلف تھا۔
وائٹ ہاؤس کے مطابق ایئر فورس ون پر ممکنہ ایرانی حملے کا خدشہ اسرائیلی حکام کی جانب سے ظاہر کیا گیا تھا، جس کے بعد صدر ٹرمپ کو طیارے سے نکال کر متبادل انتظام کے تحت برطانیہ روانہ کیا گیا۔
یوں لیوٹ کے استعفے کی وجوہات اور صدر ٹرمپ سے ان کے تعلقات کے حوالے سے ایران اور وائٹ ہاؤس کے مؤقف ایک دوسرے سے مختلف ہیں، جبکہ معاملے پر سیاسی بیان بازی جاری ہے۔