امن و سکون کے تحفظ کے لیے آئس کریم کھانے پر پابندی
ایک شہر نے اپنے رہائشیوں کے ‘امن و سکون’ کے تحفظ کے لیے آدھی رات کے بعد آئس کریم پر پابندی لگانے کا فیصلہ کیا ہے۔
ایسا اٹلی کے شہر میلان میں کیا جا رہا ہے، جہاں آدھی رات کے بعد آئس کریم کھانے پر پابندی کے لیے ایک نیا قانون سامنے آیا ہے۔رات گئے آئس کریم کھانا اطالوی ثقافت میں عام ہے لیکن میلان میں ایک نئے قانون نے اس روایت کو خطرے میں ڈال دیا ہے۔
یہ قانون میلان کی مقامی حکومت نے تجویز کیا تھا اور اگر منظور ہو گیا تو مئی 2024 سے آدھی رات کے بعد آئس کریم پر پابندی عائد کر دی جائے گی۔
میلان کے 12 اضلاع میں، یہ قانون پیزا، آئس کریم اور مشروبات سمیت تمام ٹیک وے کھانوں پر لاگو ہوگا۔ اس قانون کا مقصد میلان کی سڑکوں پر شور مچانے والے گروہوں کو روکنا ہے تاکہ دوسرے شہریوں کی نیند اور آرام میں خلل نہ پڑے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
