ڈی ایس پی نے معافی مانگ لی

پشاور: ( ہاٹ لائن نیوز) سوشل میڈیا پلیٹ فارم پر عدالتی فیصلے پر تنقید کرنیوالے ڈی ایس پی نےپشاور ہائیکورٹ میں پیش ہوکر معافی مانگ لی۔

ڈسٹرکٹ اینڈ سیشن جج کے فیصلے پر تنقید کرنیوالے ڈیرہ اسماعیل خان کے ڈی ایس پی محمد خان کے خلاف کیس کی پشاور ہائی کورٹ میں سماعت ہوئی ، چیف جسٹس محمد ابرہیم خان نے کیس سماعت کی۔

ایڈووکیٹ جنرل کی جانب سے کہا گیا کہ جج کے فیصلے پر تنقید کرنیوالے ڈی ایس پی کو محکمانہ چارج شیٹ کیا گیا جب کہ اپنے آپ کو عدالت کے رحم و کرم پر چھوڑتے ہوئے ڈی ایس پی نے غیر مشروط معافی مانگ لی ہے۔

چیف جسٹس پشاور ہائیکورٹ نے ڈی ایس پی کو ہدایت دیتے ہوئےکہا ہے کہ وہ ایڈیشنل سیشن جج سے معافی مانگیں تب ہی انکو کیس سے ڈس چارج کیا جائےگا۔

عدالت نے 25 ستمبر تک کیس کی سماعت ملتوی کر دی۔