عدالت نے وزیراعظم کو طلب کرلیا
گوجرانولہ: ( ہاٹ لائن نیوز) گوجرانوالہ میں سول جج نے پیٹرولیم مصنوعات کی قیمتوں میں اضافے کیخلاف دائر رٹ پٹیشن کی سماعت میں پاکستان کے نگران وزیراعظم انوار الحق کاکڑ، سیکرٹری پیٹرولیم اور کمشنر گوجرانوالہ کو طلب کر لیا ہے ۔
ایڈوکیٹ منظور قادر بھنڈر کی جانب سے دائر رٹ پٹیشن پر سول جج محمد اویس کی عدالت میں سماعت ہوئی۔
عدالت میں درخواست 16 ستمبر کو دائر کی گئی تھی ، جس میں نگران وزیراعظم انوارالحق کاکڑ ، کمشنر گوجرانوالہ اور سیکرٹری پیٹرولیم کو فریق بنایا گیا تھا کہ قیمتوں میں حالیہ اضافہ ظلم و زیادتی ہے۔
درخواست گزار نے عدالت سے استدعا کی کہ پیٹرولیم مصنوعات کی قیمتوں میں حالیہ اضافہ کو روکنے کے لیے حکم امتناع جاری کیا جائے۔
سماعت کے بعد نگران وزیراعظم، سیکرٹری پیٹرولیم اور کمشنر گوجرانوالہ کو عدالت میں طلب کر لیا گیا۔ عدالت نے تینوں کو 20 ستمبر 2023 ء کے لیے طلبی کا نوٹس جاری کرنے کا تحریری حکم نامہ بھی جاری کردیا ہے ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
