تاریخ عالم کا مختصر ترین نکاح
کویت: ( ہاٹ لائن نیوز) کویت میں دلہن اپنے شوہر کی جانب سے کہے گئے ایک لفظ سے اس قدر خفا ہوگئی کہ نکاح کے صرف تین منٹ بعد ہی طلاق کا تقاضا کردیا ۔
میڈیا رپورٹس کے مطابق نکاح کی قانونی کارروائی مکمل ہونے کے بعد جوڑا عدالت سے باہر آرہا تھا کہ دلہن کا پیر کسی چیز میں پھنس گیا اور وہ گر گئی، یہ دیکھ کر دولہا نے دلہن کو ’غبیہ‘ یعنی بے وقوف کہہ دیا۔
دلہن کو شوہر کیجانب سے کہا گیا یہ لفظ بہت ناگوار گزرا اور دلہن نے فوری طور پر جج سے فسخ نکاح کی درخواست کر دی۔
جج نے بھی دلہن کی جانب سے کی گئی درخواست فورا قبول کرلی ، نکاح کے ٹھیک 3 منٹ بعد فسخ نکاح کی دستاویز جاری کردی گئی ۔
دلہا و دلہن شوہر اور بیوی کی حیثیت سے نکاح کے بعد عدالت سے باہر بھی نہیں آئے تھے کہ دونوں کے درمیان طلاق ہوگئی، اس نکاح کو کویت کی تاریخ کا مختصر ترین نکاح قرار دیا گیا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
