میامی: فیفا ورلڈ کپ 2026 کے تیسرے نمبر کے مقابلے میں انگلینڈ نے فرانس کو سنسنی خیز مقابلے کے بعد 4-6 سے شکست دے کر کانسی کا تمغہ جیت لیا۔ اس کامیابی کے ساتھ ہی انگلینڈ کے مڈفیلڈر جوڈ بیلنگھم نے ایک ہی ورلڈ کپ ایڈیشن میں سات گول اسکور کرنے والے پہلے انگلش کھلاڑی ہونے کا اعزاز حاصل کر لیا۔
میچ کا آغاز انگلینڈ نے انتہائی جارحانہ انداز میں کیا اور پہلے ہاف میں چار گول داغ کر فرانس کو شدید دباؤ میں ڈال دیا۔ ڈیکلن رائس، ایزری کونسا اور بوکایو ساکا کی شاندار کارکردگی کے باعث وقفے تک انگلینڈ کو واضح برتری حاصل تھی۔
دوسرے ہاف میں فرانس نے بھرپور واپسی کی کوشش کی۔ کپتان کیلیان ایمباپے نے دو جبکہ بریڈلی بارکولا نے ایک گول اسکور کرکے مقابلہ دلچسپ بنا دیا، تاہم انگلینڈ نے حوصلہ برقرار رکھا۔
میچ کے آخری مراحل میں بوکایو ساکا نے پنالٹی پر اپنا تیسرا گول کرکے ہیٹ ٹرک مکمل کی، جبکہ اضافی وقت میں متبادل کھلاڑی جوڈ بیلنگھم نے چھٹا گول اسکور کرکے فرانس کی واپسی کی تمام امیدیں ختم کر دیں۔
بیلنگھم کا یہ گول نہ صرف انگلینڈ کی فتح کو یقینی بنانے کا سبب بنا بلکہ انہیں ورلڈ کپ کے ایک ہی ایڈیشن میں سات گول کرنے والے پہلے انگلش فٹبالر کا تاریخی اعزاز بھی دلا گیا۔
یہ مقابلہ ورلڈ کپ کی تاریخ کے یادگار میچوں میں شمار کیا جا رہا ہے، کیونکہ تیسری پوزیشن کے میچ میں پہلی بار مجموعی طور پر 10 گول اسکور کیے گئے۔
دوسری جانب فرانس کے اسٹار فارورڈ کیلیان ایمباپے نے دو گول کرکے ٹورنامنٹ میں اپنے مجموعی گولز کی تعداد 10 تک پہنچا دی، جس کے بعد وہ گولڈن بوٹ کی دوڑ میں سب سے آگے ہیں۔
اس کامیابی کے ساتھ انگلینڈ نے 1990 اور 2018 کے بعد پہلی بار ورلڈ کپ میں تیسری پوزیشن حاصل کی، جبکہ ٹیم کی شاندار کارکردگی پر کوچ تھامس ٹوخل کی حکمت عملی کو بھی خوب سراہا جا رہا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔