ایران جنگ کے مکمل خاتمے کے لیے واضح ضمانت کا خواہاں، جنگ بندی کافی نہیں: عباس عراقچی
ایرانی وزیر خارجہ عباس عراقچی نے کہا ہے کہ ایران کے لیے صرف جنگ بندی کافی نہیں، بلکہ تنازع کے مکمل خاتمے کے لیے واضح ضمانت ضروری ہے۔ انہوں نے بتایا کہ ایران اور امریکہ کے درمیان محدود نوعیت کا رابطہ موجود ہے، لیکن کوئی باضابطہ مذاکرات نہیں ہو رہے۔
عراقچی نے امریکی صدر ڈونلڈ ٹرمپ کے مشرق وسطیٰ کے خصوصی ایلچی اسٹیو وٹکوف کے ساتھ براہِ راست پیغامات کے تبادلے کی تصدیق کی، تاہم انہوں نے کہا کہ ایران نے امریکہ کی 15 نکاتی تجاویز پر ابھی تک کوئی جواب نہیں دیا۔
عراقچی نے مزید کہا کہ ایران چاہتا ہے کہ دوبارہ کسی حملے کا خطرہ نہ ہو اور پچھلے حملوں سے ہونے والے نقصان کا ازالہ یقینی بنایا جائے۔ انہوں نے امریکی وزیر دفاع پیٹ ہیگستھ کی حالیہ پریس بریفنگ کے ردعمل میں کہا کہ غیر ملکی حکومتوں کے لیے جنگ کا آغاز اور نوجوان فوجیوں کی جانوں کا ضیاع قابل تشویش ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔