ٹرمپ نے ایران پر ممکنہ حملے 10 روز کے لیے مؤخر کر دیے

امریکی صدر ڈونلڈ ٹرمپ نے اعلان کیا ہے کہ ایران کی توانائی کی تنصیبات پر ممکنہ حملے کو مزید 10 روز کے لیے مؤخر کر دیا گیا ہے۔ نئی ڈیڈ لائن کے مطابق یہ حملے 6 اپریل 2026 تک مؤخر رہیں گے۔
صدر ٹرمپ نے اپنے سوشل میڈیا اکاؤنٹ پر کہا کہ ایران کے ساتھ مذاکرات جاری ہیں اور یہ بات چیت اچھے انداز میں آگے بڑھ رہی ہے۔ انہوں نے یہ بھی کہا کہ میڈیا میں پھیلائی جانے والی خبریں اکثر درست نہیں ہوتیں۔
قبل ازیں 23 مارچ کو صدر ٹرمپ نے ایران کے توانائی کے ڈھانچے پر حملے کو 5 روز کے لیے روکے جانے کا اعلان کیا تھا، جو اب بڑھا کر 10 روز کر دیا گیا ہے۔
دوسری جانب ایرانی حکام نے امریکا کے ساتھ براہ راست مذاکرات کی تردید کی ہے اور ایک عہدیدار نے امریکی تجویز کو “یکطرفہ اور غیر منصفانہ” قرار دیا ہے۔