سیلاب زدہ گاؤں میں انوکھی شادی، دلہا کشتی پر دلہن لینے پہنچا
کمالیہ کے نواحی علاقے میں سیلاب کے باعث سڑکیں زیرِ آب آئیں تو ایک نوجوان نے اپنی شادی کو رکنے نہ دیا۔ گاڑیوں کے بجائے کشتیوں کا استعمال ہوا، باراتی نہ پہنچ سکے تو ریسکیو اہلکاروں نے شرکت کی، اور یوں ایک انوکھی بارات دلہن کو لینے پہنچ گئی۔
شادی کی یہ انوکھی تقریب کلیرا اڈا سے خان دا چک تک کشتی کے ذریعے مکمل ہوئی۔ دلہا اور دلہن کو کشتی پر بٹھا کر رخصتی کا مرحلہ طے کیا گیا۔ ریسکیو 1122 کے اہلکاروں نے بارات کے فرائض بھی سرانجام دیے اور دلہا دلہن کو بحفاظت منزل تک پہنچایا۔
شادی کی یہ تقریب مقامی افراد اور سوشل میڈیا صارفین کی توجہ کا مرکز بن گئی، جو اس مشکل وقت میں بھی خوشی کے لمحات تلاش کرنے کی ایک خوبصورت مثال ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔