دوارب روپے میں ٹیپ سےچپکاکیلاکس نےخریدا ؟

ہاٹ لائن نیوز : دیوار پر ٹیپ کیا گیا کیلا دراصل ایک آرٹ ورک ہے جس کا نام ‘کامیڈین’ ہے۔یہ ایک اطالوی فنکار کا آرٹ ورک ہے جسے حال ہی میں دوبارہ فروخت کے لیے پیش کیا گیا تھا۔

2019 میں، میامی بیچ میں آرٹ بیسل شو میں “کامیڈین” کے عنوان سے دیوار پر ایک ٹیپ لگے کیلے کی نقاب کشائی کی۔ سادہ لیکن اس ٹکڑے نے آرٹ کی تشکیل کے بارے میں ایک گرما گرم بحث کو جنم دیا۔

ایک میڈیا رپورٹ کے مطابق چینی نژاد کرپٹو کرنسی کے بانی جسٹن سن نے ماریزیو کیٹیلان کےٹیپ والے کیلے کا آرٹ ورک 6 ملین ڈالر (دو ارب پاکستانی روپے) سے زیادہ میں خریدا ہے۔ پانچ سال قبل اس آرٹ ورک کی ابتدائی قیمت 120 ہزار ڈالر تھی۔

جسٹن سن نے کہا کہ کیلا صرف آرٹ کا ایک ٹکڑا نہیں ہے بلکہ ایک ثقافتی علامت ہے جو آرٹ کی دنیا، انٹرنیٹ میمز ، کریپٹو کرنسی کے شوقین افراد کو جوڑتی ہے۔

انہوں نے کہا کہ یہ فن پارہ جلد ہی تاریخ کا اہم حصہ بن جائے گا۔ مذکورہ آرٹ ورک توقعات سے زیادہ حیرت انگیز رقم میں فروخت ہوا۔ ابتدائی طور پر، نیلام گھر نے کیلے کی قیمت 1 ملین سے 1.5 ملین ڈالر بتائی تھی، لیکن دلچسپی رکھنے والے خریداروں نے قیمت بڑھا دی۔

چینی نژاد کرپٹو کرنسی کے بانی نے مزید کہا، “میں آنے والے دنوں میں اس فن، اس کیلے کو کھانے کا ارادہ رکھتا ہوں۔”