بلوچستان کے اضلاع ڈیرہ بگٹی اور دکی میں پیش آنے والے دو مختلف مسلح حملوں کے دوران چار حملہ آور ہلاک ہوگئے، جبکہ دکی سے 11 مزدوروں کو اغوا کیے جانے کی اطلاع ہے۔
سیکیورٹی ذرائع کے مطابق ڈیرہ بگٹی میں مسلح افراد نے ایک نجی کمپنی کو نشانہ بنایا۔ اطلاع ملنے پر سیکیورٹی اور امن فورسز نے موقع پر کارروائی کی، جس کے نتیجے میں فائرنگ کا شدید تبادلہ ہوا۔
ذرائع کا کہنا ہے کہ جوابی کارروائی میں چار حملہ آور مارے گئے۔ فائرنگ کے دوران سیکیورٹی فورس کا ایک اہلکار جان کی بازی ہار گیا جبکہ دو اہلکار زخمی ہوئے۔
ادھر ضلع لورالائی کی تحصیل دکی میں مسلح افراد نے رات کے وقت ایک تعمیراتی کمپنی کے کیمپ پر حملہ کیا۔ حملہ آور مبینہ طور پر وہاں موجود 11 مزدوروں کو اپنے ساتھ لے گئے۔
حملہ آوروں نے کیمپ میں موجود تعمیراتی مشینری اور دیگر سامان کو بھی آگ لگا دی، جس سے کمپنی کا سامان جل کر تباہ ہوگیا۔
واقعے کے بعد سیکیورٹی اداروں نے دونوں علاقوں میں سرچ اور کلیئرنس آپریشن شروع کردیا ہے۔ مغوی مزدوروں کی تلاش اور بازیابی کے لیے بھی کارروائیاں جاری ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔