پاکستان کی مقامی صرافہ مارکیٹ میں سونے کی قیمت میں ہفتے کے روز نمایاں کمی ریکارڈ کی گئی، جس کے بعد فی تولہ سونا 4 لاکھ 67 ہزار 936 روپے کا ہوگیا۔
صرافہ مارکیٹ کے اعداد و شمار کے مطابق ایک تولہ سونے کی قیمت میں 15 ہزار 100 روپے کی کمی ہوئی۔ اسی طرح 10 گرام سونا بھی 12 ہزار 946 روپے سستا ہونے کے بعد 4 لاکھ 1 ہزار 179 روپے میں فروخت ہو رہا ہے۔
حالیہ کمی سے قبل گزشتہ روز سونے کی قیمت میں کوئی تبدیلی نہیں ہوئی تھی۔ ماہرین کا کہنا ہے کہ مقامی مارکیٹ میں قیمتوں میں اس نمایاں کمی کی بڑی وجہ عالمی سطح پر سونے کے نرخوں میں آنے والی گراوٹ ہے۔
عالمی مارکیٹ میں سونے کی قیمت تقریباً 151 ڈالر کم ہوئی، جس کے بعد فی اونس قیمت 4 ہزار 454 ڈالر کی سطح پر پہنچ گئی۔
ماہرین کے مطابق بین الاقوامی مارکیٹ میں قیمتوں کا رجحان پاکستانی صرافہ بازار میں سونے کے نرخوں پر براہِ راست اثر انداز ہوتا ہے، اسی لیے عالمی قیمت میں بڑی کمی کے بعد مقامی مارکیٹ میں بھی سونے کی قیمت نمایاں طور پر نیچے آئی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔