پاکستان میں سونے کی قیمت برقرار، چاندی مزید مہنگی

کراچی: پاکستان کی صرافہ مارکیٹ میں سونے کی قیمت آج بھی مستحکم رہی، جبکہ چاندی کے نرخوں میں ایک بار پھر اضافہ ریکارڈ کیا گیا۔

عالمی بلین مارکیٹ میں سونے کی فی اونس قیمت 4,605 ڈالر پر برقرار رہنے کے باعث مقامی مارکیٹ میں بھی سونے کے نرخوں میں کوئی تبدیلی نہیں ہوئی۔

جمعہ کے روز ایک تولہ سونے کی قیمت 4 لاکھ 83 ہزار 36 روپے برقرار رہی، جبکہ 10 گرام سونا 4 لاکھ 14 ہزار 125 روپے میں فروخت ہوا۔

دوسری جانب عالمی مارکیٹ میں چاندی کی قیمت میں اضافہ دیکھنے میں آیا۔ فی اونس چاندی 1.80 ڈالر اضافے کے بعد 70.30 ڈالر تک پہنچ گئی۔

عالمی قیمت میں اضافے کے اثرات مقامی مارکیٹ پر بھی پڑے، جہاں ایک تولہ چاندی 180 روپے مہنگی ہوکر 7,509 روپے کی ہوگئی۔

اسی طرح 10 گرام چاندی کی قیمت میں 154 روپے کا اضافہ ہوا اور یہ 6,437 روپے تک پہنچ گئی۔

یوں آج سونے کے نرخ مستحکم جبکہ چاندی کی قیمت میں نمایاں اضافہ دیکھنے میں آیا۔