اسلام آباد: وفاقی حکومت نے پیٹرولیم مصنوعات کی قیمتوں میں تبدیلی کردی ہے، جس کے تحت پیٹرول سستا جبکہ ہائی اسپیڈ ڈیزل مہنگا ہوگیا ہے۔
نئی قیمتوں کے مطابق پیٹرول کی فی لیٹر قیمت میں 2 روپے 93 پیسے کمی کی گئی ہے، جس کے بعد اس کی قیمت 395 روپے 37 پیسے مقرر ہوگئی ہے۔ اس سے قبل پیٹرول 398 روپے 30 پیسے فی لیٹر فروخت ہورہا تھا۔
دوسری جانب ڈیزل کی قیمت میں 61 پیسے فی لیٹر اضافہ کیا گیا ہے، جس کے بعد ہائی اسپیڈ ڈیزل کی نئی قیمت 396 روپے 85 پیسے ہوگئی ہے۔
حکومت کی جانب سے قیمتوں میں رد و بدل کا اطلاق 13 اکتوبر 2026 کے لیے کیا گیا ہے۔
حکام کے مطابق پیٹرولیم مصنوعات کی قیمتوں کا تعین عالمی مارکیٹ میں تیل کی قیمتوں، درآمدی اخراجات اور دیگر متعلقہ عوامل کو مدنظر رکھتے ہوئے کیا گیا ہے۔
پیٹرول کی قیمت میں کمی سے موٹر سائیکل اور گاڑی استعمال کرنے والوں کو معمولی ریلیف ملے گا، تاہم ڈیزل مہنگا ہونے سے مال برداری اور ٹرانسپورٹ کے اخراجات پر اثر پڑنے کا امکان ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔