لاہور: پنجاب حکومت نے ٹریفک قوانین پر مؤثر عملدرآمد اور شہریوں کی جانوں کے تحفظ کے لیے بغیر ہیلمٹ موٹرسائیکل چلانے والوں کے خلاف سخت اقدامات کا فیصلہ کیا ہے۔
حکام کے مطابق وزیراعلیٰ پنجاب کی ہدایت پر لاہور میں ہیلمٹ کے استعمال کو یقینی بنانے کے لیے ٹریفک پولیس نے خصوصی مہم شروع کر دی ہے۔ نئے اقدامات کے تحت بغیر ہیلمٹ موٹرسائیکل چلاتے ہوئے پکڑے جانے والے افراد کا چالان کیا جائے گا، جبکہ ان کی موٹرسائیکل بھی ایک دن کے لیے تحویل میں رکھی جا سکتی ہے۔
اس کے علاوہ لین لائن کی خلاف ورزی کرنے والے موٹرسائیکل سواروں کے خلاف بھی کارروائی جاری ہے، اور متعلقہ قوانین کے مطابق ان کی گاڑیاں بھی تحویل میں لی جا رہی ہیں۔
ٹریفک حکام کا کہنا ہے کہ گزشتہ ایک ماہ کے دوران مختلف ٹریفک خلاف ورزیوں پر 20 ہزار سے زائد موٹرسائیکلیں تحویل میں لی جا چکی ہیں۔
حکام نے شہریوں سے اپیل کی ہے کہ وہ اپنی اور دوسروں کی حفاظت کے لیے ہیلمٹ کا لازمی استعمال کریں، ٹریفک قوانین کی پابندی کریں اور ذمہ دارانہ ڈرائیونگ کو فروغ دیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔