گیزر استعمال کرنے والے ہوشیار! ایک غلطی بڑھا سکتی ہے گیس اور بجلی کا بل

گیزر کا مناسب درجہ حرارت مقرر کرنے اور اسے ضرورت کے مطابق استعمال کرنے سے گیس، بجلی اور پانی کی بچت ممکن ہے۔
ماہرین کے مطابق گھریلو گیزر کا درجہ حرارت عموماً 50 سے 60 ڈگری سینٹی گریڈ کے درمیان رکھا جا سکتا ہے، تاہم اس حوالے سے کمپنی کی ہدایات پر عمل کرنا ضروری ہے۔ نہانے کے لیے پانی کا درجہ حرارت تقریباً 37 سے 40 ڈگری سینٹی گریڈ مناسب سمجھا جاتا ہے۔
بجلی کی بچت کے لیے گیزر کو بلاوجہ چلتا نہ چھوڑیں، جبکہ پانی ضائع ہونے سے بچانے کے لیے نہانے کا دورانیہ مختصر رکھیں۔ گیزر کی بروقت صفائی اور مرمت بھی اس کی کارکردگی بہتر رکھنے میں مدد دیتی ہے۔
گیس والے گیزر کی تنصیب میں ہوا کی مناسب آمدورفت اور بجلی والے گیزر کی وائرنگ و ارتھنگ کا خیال رکھنا بھی ضروری ہے۔ ان احتیاطی تدابیر سے اخراجات کم کرنے کے ساتھ گھر میں گرم پانی کا محفوظ استعمال بھی ممکن بنایا جا سکتا ہے۔