ڈونلڈ ٹرمپ کے ممکنہ دورۂ پاکستان میں مسئلہ کشمیر زیر بحث آنے کا امکان

پیرس: ڈونلڈ ٹرمپ کے ممکنہ دورۂ پاکستان کے دوران مسئلہ کشمیر پر گفتگو کا امکان ظاہر کیا جا رہا ہے۔
ذرائع کے مطابق امریکی صدر ماضی میں بھی کشمیر کے معاملے پر ثالثی کی پیشکش کر چکے ہیں۔ سنہ 2019 میں ڈونلڈ ٹرمپ نے کہا تھا کہ اگر دونوں ممالک رضامند ہوں تو امریکا اس تنازع کے حل میں کردار ادا کر سکتا ہے۔ اس موقع پر انہوں نے یہ بھی دعویٰ کیا تھا کہ اس وقت کے پاکستانی وزیر اعظم عمران خان نے اس سلسلے میں مدد طلب کی تھی۔
پاکستان نے اس پیشکش کو مثبت انداز میں دیکھا تھا، تاہم بھارت نے اسے مسترد کرتے ہوئے مؤقف اختیار کیا کہ کشمیر ایک دو طرفہ معاملہ ہے اور کسی تیسرے فریق کی مداخلت قابل قبول نہیں۔ بھارت کا کہنا تھا کہ ثالثی صرف اسی صورت ممکن ہے جب دونوں ممالک اس پر متفق ہوں۔
حالیہ اطلاعات کے مطابق، اگر امریکی صدر کا دورۂ پاکستان ہوتا ہے تو علاقائی صورتحال، پاک بھارت تعلقات اور خاص طور پر کشمیر کے مسئلے پر بات چیت متوقع ہے۔ تاہم اس حوالے سے کوئی باضابطہ اعلان سامنے نہیں آیا۔