ہاٹ لائن نیوز : لاہور ہائیکورٹ میں چیف الیکشن کمشنر کے خلاف فوجداری مقدمہ کے اندراج کے لیے درخواست پر سماعت ہوئی ۔
عدالت نے درخواست عدالتی وقت میں کمی کی بنا پر کل تک ملتوی کردی ۔
درخواست میں وفاقی حکومت اور الیکشن کمیشن آف پاکستان کوفریق بنایا گیا ہے ۔
درخواست میں موقف اختیار کیا گیا ہے کہ امیدواروں کے کاغذات نامزدگی کے ساتھ لیے گئے بیان حلفی میں سنگین غلطیاں کی گئیں ہیں ، الیکشن کمیشن نے اس پر کاروائی نہیں کی ، چیف الیکشن کمشنر نے اپنے اٹھائے گئے حلف کی نفی کی ہے ۔
عدالت سے استدعا کی گئی ہے کہ عدالت فرائض میں غفلت برتنے پر چیف الیکشن کمشنر کے خلاف فوجداری مقدمہ درج کرنے کا حکم دے ، عدالت بیان حلفی میں غلطیوں کو درست کرنے کا حکم دے ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
