پیٹرول اور ڈیزل کی قیمتوں میں کمی، نئی قیمتوں کا اطلاق نافذ

وفاقی حکومت نے عوام کو جزوی ریلیف دیتے ہوئے پیٹرولیم مصنوعات کی قیمتوں میں کمی کا اعلان کر دیا ہے۔ اس حوالے سے وزارتِ پیٹرولیم کی جانب سے باضابطہ نوٹیفکیشن بھی جاری کر دیا گیا ہے۔

اعلان کے مطابق پیٹرول کی قیمت میں 4 روپے فی لیٹر کمی کی گئی ہے، جس کے بعد نئی قیمت 373 روپے 78 پیسے فی لیٹر مقرر کر دی گئی ہے۔

اسی طرح ہائی اسپیڈ ڈیزل کی قیمت میں 2 روپے فی لیٹر کمی کی گئی ہے۔ نئی قیمت کے تحت ڈیزل 378 روپے 78 پیسے فی لیٹر دستیاب ہوگا۔

وزارتِ پیٹرولیم کے نوٹیفکیشن کے مطابق نئی قیمتوں کا اطلاق رات 12 بجے سے نافذ ہو چکا ہے اور یہ قیمتیں آئندہ ایک ہفتے تک برقرار رہیں گی۔

حکومت کی جانب سے قیمتوں میں کمی کا فیصلہ عالمی مارکیٹ میں تیل کی قیمتوں اور مقامی معاشی عوامل کو مدنظر رکھتے ہوئے کیا گیا ہے۔