پرویز الہٰی پر آخرکس کی مہربانیاں ؟
لاہور: ( ہاٹ لائن نیوز) پرویز الہی کو کسی بھی مقدمے میں گرفتاری سے روکنے کے خلاف نیب اپیل کا تحریری فیصلہ جاری کر دیا گیا ۔
جسٹس علی باقر نجفی کی سربراہی میں دو رکنی بینچ نے چار صفحات پر مشتمل تحریری فیصلہ جاری کیا ۔
عدالت نے نیب کی اپیل کو ناقابل سماعت قرار دے کر نمٹا دیا ۔
فیصلے میں کہا گیا ہے کہ لاہور ہائیکورٹ کے سنگل بینچ نے 13 جولائی کو پرویز الہٰی کو کسی بھی مقدمے میں گرفتاری نہ کرنے کا حکم دیا ، درخواست گزار کے مطابق سنگل بینچ کے حکم میں نیب فریق نہیں تھا ، درخواست گزار کے مطابق سنگل بینچ کے روبرو سماعت کے دوران نیب کو نوٹس بھی جاری نہیں ہوئے ، درخواست گزار کے مطابق سنگل بینچ نے عملدرآمد پیٹیشن میں درخواست گزار کو ہدایت جاری کیں ، اس بات پر متفق ہیں کہ نیب سنگل بینچ کے روبرو فریق نہیں تھا ، سنگل بینچ نے نیب کو کوئی ہدایت جاری نہیں کیں ، سنگل بینچ کا آرڈر نیب کو متاثر نہیں کرتا لہذا نیب کی اپیل ناقابل سماعت قرار دے کر نمٹائی جاتی ہے ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
