جاپان میں جاری انڈر 18 ہاکی ایشیا کپ میں پاکستان نے اپنے آخری پول میچ میں بنگلہ دیش کو 2 کے مقابلے میں 5 گول سے شکست دے کر سیمی فائنل کے لیے کوالیفائی کر لیا۔
میچ کے تیسرے منٹ میں عبداللہ نے پاکستان کو برتری دلائی، تاہم بارہویں منٹ میں بنگلہ دیش کے منا اسلام نے گول کرکے مقابلہ برابر کر دیا۔ دوسرے کوارٹر میں دونوں ٹیمیں کوئی گول نہ کر سکیں۔
تیسرے کوارٹر میں عدیل نے پاکستان کے لیے دوسرا گول اسکور کیا، لیکن چند منٹ بعد بنگلہ دیش نے دوبارہ مقابلہ برابر کر دیا۔ بعد ازاں پاکستان کو ملنے والے پنالٹی اسٹروک پر حیدر اعصام نے گول کرکے اپنی ٹیم کو ایک بار پھر برتری دلا دی۔
میچ کے آخری حصے میں عبداللہ اعوان اور محمد یحییٰ نے مزید دو فیلڈ گول اسکور کیے، جس کے نتیجے میں پاکستان نے 2-5 سے کامیابی حاصل کی۔
اس فتح کے ساتھ پاکستان انڈر 18 ہاکی ٹیم ایشیا کپ کے سیمی فائنل میں پہنچ گئی ہے، جہاں اس کا مقابلہ جمعہ کو بھارت سے ہوگا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔