سندھ کے وزیر داخلہ ضیاء لنجار نے کہا ہے کہ منشیات کے استعمال میں ملوث افراد کی شناخت کو عام نہ کیا جائے، جبکہ اصل توجہ منشیات کے نیٹ ورک چلانے والوں پر ہونی چاہیے۔
سندھ اسمبلی کےاہم اجلاس میں خطاب کرتے ہوئے انہوں نے کراچی میں منشیات کے ایک بڑے نیٹورک سے منسلک خاتون، جسکو انمول عرف پنکی کہا جاتا ہے، کی گرفتاری کا ذکر کیا۔ ان کا کہنا تھا کہ مذکورہ ملزمہ پولیس کو کھلا چیلنج دے رہی تھی، تاہم قانون نافذ کرنے والے اداروں نے کارروائی کرتے ہوئے اسے گرفتار کر لیا۔
وزیر داخلہ نے اس کارروائی کو پولیس کی اہم کامیابی قرار دیتے ہوئے کہا کہ قانون سب کے لیے برابر ہے اور کوئی بھی قانون سے بالاتر نہیں ہو سکتا۔
انہوں نے مزید کہا کہ منشیات کے استعمال کرنے والوں کے بجائے ان کے پیچھے موجود نیٹ ورک اورسہولت کاروں کے خلاف سخت کارروائی کی جانی چاہیے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔