ہاٹ لائن نیوز : لاہور ہائیکورٹ میں میاں نواز شریف کی لندن سے وطن واپسی پر انکے پوسٹر اور فیلکس آویزاں کرنے کے خلاف درخواست پر سماعت ہوئی ۔
عدالت نے درخواست پر سماعت دو ہفتوں کیلیے ملتوی کر دی ، عدالت نے پوسٹر آویزاں کرنے کے لیے ڈی سی لاہور اور پی ایچ اے کا اجازت نامہ طلب کر لیا۔
عدالت نے حکم دیا ہے کہ درخواست گزار آئیندہ سماعت پر پوسٹر آویزاں کرنے کا اجازت نامہ پیش کریں ۔
جسٹس عابدعزیز نے شہری اشبا کامران کی درخواست پر سماعت کی۔
درخواست میں موقف اختیار کیا گیا ہے کہ میاں نواز شریف کو اقامہ میں سزا ہوئی ، میاں نواز شریف کی وطن واپسی پر انکے ویلکم پوسٹر اور فیلکسز لاہور میں لگائے گئے ، لاہور میں ڈی سی اور پی ایچ اے کی منظوری سے پوسٹر اور فیلکسز لگائی گئیں ۔اشتہاری اورسزا یافتہ ہونے کی وجہ سے نواز شریف کے پوسٹر اور فیلکسز لگانے کی اجازت نہیں دی جا سکتی تھی ۔
درخواست میں استدعا کی گئی ہے کہ عدالت ڈی سی لاہور اور ڈی جی پی ایچ اے کے خلاف کریمنل کاروائی عمل میں لانے کا حکم دے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
