ہاٹ لائن نیوز : محترمہ مریم نواز صاحبہ کی بطور پنجاب کی پہلی خاتون وزیر اعلی بننے پر خراج تحسین کی قرارداد پنجاب اسمبلی میں جمع کروا دی گئی ۔
قرارداد پاکستان مسلم لیگ ن کی رکن پنجاب اسمبلی کنول لیاقت ایڈووکیٹ نے جمع کروائی۔
قرارداد کے متن کے مطابق پنجاب اسمبلی پنجاب کی بہادر بیٹی مریم نواز صاحبہ کو پہلی خاتون وزیر اعلی کا حلف لینے پر خراج تحسین پیش کرتا ہے ، پنجاب اسمبلی کا یہ ایوان اس حقیقت کو تسلیم کرتا ہے کہ محترمہ کی سیاسی جدوجہد اور جمہوریت کے لئے دی گئی قربانیاں بے مثال ہیں ، ایوان محترمہ کی قائدانہ صلاحیت کو سامنے رکھتے ہوئے قوی امید رکھتا ہے کہ پنجاب کی عوام کے لئے نئے اور روشن دور کا آغاز ہو رہا ہے اور عام آدمی کی معیار زندگی میں بہتری آئے گی۔
قرارداد کے مطابق پنجاب کا یہ ایوان اس نوید کی امید رکھتا ہے کہ مریم نواز صاحبہ کا پہلی خاتون وزیر اعلی پنجاب منتخب ہونے سے پنجاب کی خواتین سیاسی، سماجی ، معاشی و قانونی طور پر مضبوط و خودمختار بنیں گی ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
