ہاٹ لائن نیوز : لاہور ہائیکورٹ میں ماڈل ٹاؤن ایکسٹینشن میں تھانہ بننے کے خلاف اپیل پر سماعت ہوئی ۔
عدالت نے انٹرا کورٹ اپیل ناقابل سماعت قرار دیتے ہوئے مسترد کر دی ۔
عدالت نے کہا کہ شکر کریں تھانہ زیر تعمیر ہے ، ورنہ پولیس خالی پلاٹ پر قبضہ کر لیتی ہے۔
ایڈیشنل ایڈووکیٹ جنرل پنجاب جی اے طارق خان نے درخواست کی مخالفت کی ۔
سرکاری وکیل نے عدالت میں بتایا کہ 1985 ء میں تھانہ بنانے کی منظوری دی ، ذاتی خواہشات پر تھانہ بنانے سے روکا نہیں جا سکتا۔
جسٹس علی باقرنجفی نےشہری میاں بلال کی درخواست پرسماعت کی۔
درخواست گزار کیطرف سے مقسط سلیم ایڈووکیٹ پیش ہوئے ۔
وکیل درخواست گزار نے کہا کہ رہائشی علاقے میں تھانہ نہیں بن سکتا ، ایل ڈی اے نے تھانہ کی منظوری نہیں دی لہذا عدالت تھانہ کی تعمیر روکنے کا حکم دے اوررہائشی علاقے میں تھانہ کے قیام کو غیر قانونی قرار دے
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
