ماؤنٹ ایورسٹ پر ایک دن میں سب سے زیادہ کوہ پیماؤں کی کامیاب چڑھائی کا نیا ریکارڈ قائم

نیپال میں موسم سازگار ہونے کے بعد دنیا کی بلند ترین چوٹی ماؤنٹ ایورسٹ پر اس سیزن میں کوہ پیماؤں کا رش بڑھ گیا ہے۔ حکام کے مطابق ملک کی جانب سے رواں سال تقریباً 500 کوہ پیمائی کے اجازت نامے جاری کیے گئے ہیں۔

سرکاری اعداد و شمار کے مطابق 21 مئی کو مجموعی طور پر 274 کوہ پیماؤں نے ماؤنٹ ایورسٹ کی چوٹی سر کر کے ایک ہی دن میں سب سے زیادہ کامیاب سمٹ کا نیا عالمی ریکارڈ قائم کیا۔ اس سے قبل یہ ریکارڈ 2019 میں 223 کامیاب کوہ پیماؤں کے نام تھا۔

اس سیزن میں 56 سالہ شیرپا کوہ پیما کامی ریتا نے اپنی 32ویں بار ایورسٹ سر کر کے اپنا ہی عالمی ریکارڈ مزید مستحکم کیا۔ اسی طرح 52 سالہ خاتون کوہ پیما لکپا شیرپا نے 11ویں بار چوٹی سر کر کے خواتین کوہ پیماؤں میں ایک نیا سنگِ میل عبور کیا۔

اسی دوران ایک قابلِ ذکر کارنامہ روسی کوہ پیما رستم نبیئیف نے انجام دیا جو دونوں ٹانگوں سے محروم ہونے کے باوجود صرف ہاتھوں کی مدد سے ماؤنٹ ایورسٹ کی چوٹی تک پہنچنے میں کامیاب رہے۔