ہاٹ لائن نیوز : عام انتخابات 2024 کے لیے سیاسی جوڑ توڑ جاری ہے اور اس سلسلے میں مسلم لیگ ن پنجاب میں بڑی وکٹ لینے کو تیار ہے۔
پارٹی ذرائع کا کہنا ہے کہ مسلم لیگ ن کی جانب سے آئندہ انتخابات کی تیاریاں زور و شور سے جاری ہیں اور اس سلسلے میں مختلف سیاستدانوں سے قیادت کی ملاقاتیں کی جا رہی ہیں اور انہیں مسلم لیگ ن میں شمولیت کی دعوت دی جا رہی ہے۔
پارٹی ذرائع کے مطابق مسلم لیگ ن کے قائد نواز شریف اور سابق وزیر اعظم شہباز شریف جھنگ شاہ جیونہ کا دورہ کریں گے اور اپنے دورے کے دوران ملک کے سینئرسیاست دان مخدوم فیصل صالح حیات ن لیگ میں شمولیت کااعلان کریں گے۔
ذرائع کا کہنا ہے کہ فیصل صالح حیات کے بعد مسلم لیگ ن نے سابق وفاقی وزیر سلیم سیف اللہ سے رابطہ کرکے انہیں پارٹی میں شمولیت کی دعوت دی ہے۔
ذرائع کے مطابق مسلم لیگ ن کے صدر اور سابق وزیراعظم شہباز شریف نے سلیم سیف اللہ کو ن لیگ میں شمولیت کی دعوت دی جس پر سلیم سیف اللہ نے جواب دینے کے لیے وقت مانگا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
