کوئٹہ: بلوچستان سے ملک کے دیگر شہروں کیلئے ٹرین سروس دوبارہ بحال کر دی گئی ہے۔ ریلوے حکام کے مطابق دو روز کی معطلی کے بعد آج سے ٹرینیں معمول کے مطابق چلنا شروع ہو جائیں گی۔
محکمہ ریلوے کا کہنا ہے کہ 18 اور 19 مئی کو بعض ناگزیر وجوہات کی بنا پر بلوچستان سے اندرون ملک جانے والی ٹرین سروس عارضی طور پر بند کی گئی تھی۔
حکام کے مطابق کوئٹہ سے پشاور جانے والی جعفر ایکسپریس دو دن تک منسوخ رہی، جبکہ پشاور سے کوئٹہ آنے والی جعفر ایکسپریس کو جیکب آباد تک محدود کر دیا گیا تھا۔
ریلوے حکام نے بتایا کہ ٹرین سروس کی بحالی کے بعد جعفر ایکسپریس آج صبح 9 بجے کوئٹہ سے پشاور کیلئے روانہ ہوگی، جبکہ پشاور سے آنے والی جعفر ایکسپریس آج سہ پہر کوئٹہ پہنچے گی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔