خیبر پختونخوا کے ضلع لکی مروت کے علاقے خیروخیل پکہ میں جمعہ کے روز ایک افسوسناک واقعہ پیش آیا، جہاں مقامی افراد نے مسجد میں ممکنہ خودکش حملہ آور کی کوشش کو ناکام بنا دیا۔
مقامی ذرائع کے مطابق ایک مشتبہ شخص نماز جمعہ کے دوران مسجد کی طرف بڑھنے کی کوشش کر رہا تھا، تاہم اہلِ علاقہ نے بروقت کارروائی کرتے ہوئے اسے مسجد کے اندر داخل ہونے سے پہلے ہی ہلاک کر دیا۔
بعد ازاں اس کے موٹر سائیکل سے منسلک دھماکہ خیز مواد پھٹنے کے نتیجے میں زور دار دھماکہ ہوا، جس کے باعث ایک 5 سالہ بچی جان کی بازی ہار گئی جبکہ بچوں سمیت 5 افراد زخمی ہوئے۔ زخمیوں کو فوری طور پر قریبی اسپتال منتقل کر دیا گیا ہے۔
واقعے کے بعد سکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔ مقامی سطح پر صورتحال کشیدہ ہے اور شہریوں میں واقعے کے خلاف غم و غصہ پایا جا رہا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔