لندن میں منعقد ہونے والے ایک بین الاقوامی فوجی مقابلے میں پاکستان ملٹری اکیڈمی (پی ایم اے) کی نمائندہ ٹیم نے شاندار کارکردگی کا مظاہرہ کرتے ہوئے پہلی پوزیشن حاصل کرلی اور 16 غیر ملکی ٹیموں کو پیچھے چھوڑ دیا۔
پاکستانی دستہ میجر حیدر گلزار کی قیادت میں مقابلے میں شریک ہوا، جو برطانیہ کی رائل ملٹری اکیڈمی سینڈہرسٹ میں منعقد کیا گیا تھا۔ 9 رکنی ٹیم نے مختلف سخت اور پیشہ ورانہ مراحل میں اپنی مہارت، تربیت اور ٹیم ورک کا بہترین مظاہرہ کیا۔
اطلاعات کے مطابق پاکستانی ٹیم 5 جون کو برطانیہ پہنچی تھی اور مقابلے کے دوران مختلف چیلنجز میں نمایاں برتری حاصل کرتی رہی، جس کے نتیجے میں وہ مجموعی طور پر پہلی پوزیشن حاصل کرنے میں کامیاب رہی۔
فوجی ذرائع کے مطابق اس کامیابی کو پاکستان آرمی کی اعلیٰ تربیتی صلاحیت، نظم و ضبط اور پیشہ ورانہ مہارت کا ثبوت قرار دیا جا رہا ہے۔ مقابلے میں کامیابی نے بین الاقوامی سطح پر پاکستانی فوجی تربیت کے معیار کو مزید اجاگر کیا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔