بالی ووڈ اسٹار عامر خان تیسرے نکاح کے بندھن میں بندھ گئے

بولی ووڈ کے معروف اداکار عامر خان نے اپنی قریبی دوست گوری سپرٹ کے ساتھ شادی کر لی ہے۔ یہ تقریب نہایت سادہ انداز میں ممبئی کے علاقے باندرہ میں ان کی رہائش گاہ پر منعقد ہوئی جس میں صرف قریبی اہل خانہ اور چند دوست شریک ہوئے۔

ذرائع کے مطابق دونوں گزشتہ دو سال سے ایک دوسرے کے ساتھ تعلق میں تھے اور اس دوران ان کی قربتیں بڑھتی گئیں۔ بعد ازاں انہوں نے باقاعدہ طور پر رشتہ ازدواج میں منسلک ہونے کا فیصلہ کیا۔

شادی کی تقریب میں عامر خان کے بچوں جنید خان اور آئرا خان سمیت گوری سپرٹ کا بیٹا بھی موجود تھا۔ قریبی دوستوں اور فلم انڈسٹری سے وابستہ چند شخصیات نے بھی شرکت کی۔

عامر خان کی یہ تیسری شادی ہے۔ اس سے قبل وہ رینا دتہ اور کرن راؤ کے ساتھ ازدواجی زندگی گزار چکے ہیں۔ دونوں سابقہ شریک حیات سے ان کے بچے بھی ہیں اور وہ اب بھی بچوں کی پرورش میں مشترکہ طور پر کردار ادا کر رہے ہیں۔

عامر خان حالیہ برسوں میں فلمی سرگرمیوں کے ساتھ ساتھ پروڈکشن اور سماجی منصوبوں میں بھی مصروف ہیں، جبکہ ان کی نئی فلموں پر کام جاری ہے۔

ذرائع کا کہنا ہے کہ شادی کو رجسٹرڈ بھی کر لیا گیا ہے اور دونوں نے اپنی نئی زندگی کے آغاز پر خوشی کا اظہار کیا ہے۔