کپتان کو بڑا دھچکا

اسلام آباد : (ہاٹ لائن نیوز) چیئرمین پاکستان تحریک انصاف کی مشکلات میں مزید اضافہ ہوگیا ہے۔ نیب نےکپتان کیخلاف سیلاب زدگان کیلئے ٹیلی تھون کے معاملے میں تحقیقات کا آغاز کر دیا ہے۔

ذرائع کے مطابق سابق وزیر اعظم پر ٹیلی تھون کے ذریعے جمع کئے گئے فنڈز کے غلط استعمال کا الزام ہے ۔ سابق وزیر اعظم نے اگست 2022ء میں ٹیلی تھون کے ذریعے سیلاب زدگان کے لئے فنڈز اکھٹے کیے تھے ، جس میں 4 ارب 32 کروڑ روپے کی خطیر رقم جمع ہوئی ، کپتان پر فنڈز میں کروڑوں روپے کے گھپلوں کا الزام لگایا گیا ہے۔

ذرائع کے مطابق نیب ہیڈ کوارٹرز کو انکوائری کی منظوری کی درخواست موصول ہوچکی ہے۔ نیب نے کیس کی شکایت کی تصدیق کردی ہے اور اس کو انکوائری میں بدلنے کی درخواست کی ہے۔

یاد رہے کہ چیئرمین پی ٹی آئی اور سابق وزیر اعظم ان دنوں سائفر کیس میں اٹک جیل میں قید ہیں ۔