لاہور: پنجاب حکومت نے صوبے میں عارضی بنیادوں پر طبی ماہرین کی بھرتی کرنے کا فیصلہ کیا ہے۔
ذرائع کے مطابق، پنجاب اسمبلی نے عارضی بھرتیوں کے لیے لوکم ہائرنگ ایکٹ 2025 منظور کر لیا ہے۔ اس بل کے تحت ایک کمیٹی قائم کی جائے گی جس کی صدارت وزیراسپیشلائزڈ ہیلتھ کیئر پنجاب کریں گے۔
کمیٹی میں سیکرٹری اسپیشلائزڈ ہیلتھ کیئر، تین فیلڈ ماہرین اور ہیومن ریسورس کے نمائندے بھی شامل ہوں گے۔ یہ کمیٹی عارضی بھرتیوں کے قواعد و ضوابط تیار کرے گی۔
قانون کے مطابق، بھرتی سے قبل اشتہار کم از کم دو اخبارات میں شائع کرنا ضروری ہوگا، اور عارضی بنیادوں پر بھرتی ہونے والے ملازمین مستقبل میں مستقل ملازمت کے لیے درخواست نہیں دے سکیں گے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔