امریکا ایران معاہدے کی تقریب، وزیراعظم شہباز شریف کی شرکت متوقع

اسلام آباد: ذرائع کے مطابق امریکا اور ایران کے درمیان ہونے والے ممکنہ معاہدے کی تقریب جینیوا میں منعقد ہونے کا امکان ہے، جس میں وزیراعظم شہباز شریف کی اعلیٰ سطحی وفد کے ہمراہ شرکت متوقع ہے۔
ذرائع کا کہنا ہے کہ اس تقریب میں مختلف ممالک کے نمائندے بھی شریک ہوں گے جہاں معاہدے کی تفصیلات اور خطے میں اس کے ممکنہ اثرات پر بات چیت کی جائے گی۔
اس سے قبل سابق امریکی صدر ڈونلڈ ٹرمپ نے دعویٰ کیا تھا کہ ایران کے ساتھ ایک معاہدہ طے پا گیا ہے، جس کے تحت آبنائے ہرمز میں تجارتی سرگرمیوں کی بحالی اور بحری پابندیوں میں نرمی شامل ہے۔
بعد ازاں ایرانی حکام کی جانب سے بھی امریکا کے ساتھ کسی نوعیت کے امن یا مفاہمتی معاہدے کی تصدیق کی گئی تھی، جسے خطے میں کشیدگی میں کمی کی جانب ایک اہم پیش رفت قرار دیا جا رہا ہے۔