تحریک تحفظ آئین پاکستان نے ملک میں بڑھتی ہوئی مہنگائی، پٹرولیم مصنوعات کی قیمتوں میں اضافے، مبینہ لاقانونیت اور سیاسی قیدیوں کی رہائی کے مطالبات کے حق میں جمعہ کے روز ملک گیر احتجاج کا اعلان کیا ہے۔
یہ فیصلہ محمود خان اچکزئی کی زیر صدارت ہونے والے ایک اجلاس میں کیا گیا، جس کے بعد باقاعدہ اعلامیہ بھی جاری کیا گیا۔
اعلامیے کے مطابق اجلاس میں موجودہ سیاسی اور معاشی صورتحال پر تفصیلی غور کیا گیا، جس میں کہا گیا کہ مہنگائی اور پٹرولیم قیمتوں میں مسلسل اضافہ عوام کی مشکلات میں اضافہ کر رہا ہے۔
بیان میں مؤقف اپنایا گیا کہ موجودہ حالات میں عوام کو ریلیف دینے کے بجائے ان پر مزید مالی دباؤ بڑھ رہا ہے۔
تحریک تحفظ آئین پاکستان نے سیاسی قیدیوں کی رہائی کا مطالبہ بھی دہرایا اور کہا کہ مبینہ لاقانونیت کے خاتمے اور آئینی و جمہوری اصولوں کی بحالی کے لیے احتجاج ضروری ہو چکا ہے۔
اعلامیے کے مطابق جمعہ کے روز ملک بھر کے تمام ضلعی ہیڈکوارٹرز میں احتجاجی مظاہرے منعقد کیے جائیں گے۔
قیادت نے واضح کیا ہے کہ آئین، جمہوریت اور عوامی حقوق کے تحفظ کے لیے جدوجہد ہر سطح پر جاری رکھی جائے گی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔